|
|
Thumb |
Song Heading |
Singer / Movie |
Music By / Lyricist |
Actor / Category |
|
| Video of the song from youtube |
|
|
|
|
Lyrics of Ek Thi Ladaki Meri Saheli Ek Paradesi Dur Se Aaya - एक थी लड़की मेरी सहेली एक सहेली परदेशी दूर से आया ek thi ladki
ek thi ladki meri saheli, sath pali aur sath hi kheli
phulo jaise gaal the uske, resham jaise baal the uske
hansti thi aur gaati thi vo, sabke man ko bhati thi vo
jhalardar skirt pehan ke, jab chlti thi vo ban than ke
hum usko gudiyan kahte the, rango ki pudiya kehte the
saari school ki pyaari thi vo, nanhi raajkumari thi vo
ek din usne bholepan se, puchha ye papa se jaa ke
ab main khush rahti hun jaise, sada hi kya rahungi aise
papa bole meri bachhi, baat bataun tujh ko sachhi
kal ki baat naa koi jaane, kehte hai ye sabhi sayane
ye mat socho kal kya hoga, jo bhi hoga achha hoga
ye mat socho kal kya hoga, jo bhi hoga achha hoga
bachpan beeta aayi jawani, ladki ban gayi rup ki rani
college me ithlaati firti, balkhaati lahraati firti
ek sundar chanchal ladke ke
chhup-chhup kar chupke-chupke se
ladki ki tasvir banai, aur ye kah kar use dikhai
is par apna naam to likh do, chhota sa paigam to likh do
ladki pahle to sharmai, fir man hi man me muskaayi
deni ek tasvir tumhari, maine bhi dil me utaari
bolo is par naam likhoge, tum bhi kuch paigam likhoge
ladka bola naam bhi ek hai, ab apna piagam bhi ek hai
ab to dono gaate firte, masti me lahraati firti
ek din usne bholepan se, puchha ye apne sajan se
ab main khush rahti hun jaise, sada hi kya rahungi aise
usne kaha ki meri rani, itni baat hai maine jaani
kal ki baat naa koi jaane, kehte hai ye sabhi sayane
ye mat socho kal kya hoga, jo bhi hoga achha hoga
ye mat socho kal kya hoga, jo bhi hoga achha hoga
(2nd version)
ik pardesi dur se aaya, ladki par haq apna jataya
ghar waalo ne haami bhar di, pardesi ki marazi kar di
pyaar ke waade huye naa pure, rah gaye saare khwaab adhure
chhod ke saathi aur hamsaaye, chal di ladki desh paraye
do banho ke haar ne roka, vaado ki diwaar ne roka
ghayal dil ka pyaar pukara, aanchal ka har taar pukara
par ladki kuch munh se na boli, patthar ban kar gair ki ho li
ab gumsum hairan si hai wo, mujhse bhi anjaan si hai wo
jab bhi dekho chup rahti hai, kahti hai to ye kahti hai
kal ki baat naa koi jaane, kehte hai ye sabhi sayane
ye mat socho kal kya hoga, jo bhi hoga achha hoga
ye mat socho kal kya hoga, jo bhi hoga achha hoga
ye mat socho kal kya hoga, jo bhi hoga achha hoga
|
Comments for lyrics of song "Ek Thi Ladaki Meri Saheli Ek Paradesi Dur Se Aaya" |
|
Jagjit Singh Ishar on Friday, July 29, 2011
thnx amita g 4 sharing this marvelous song.
|
|
|
